မွန်ပြည်နယ်ရဲ့မြို့တော် မော်လမြိုင်မြို့ကို အာလုံးသိကြမှာပါ။ အဲဒီမြို့ဟာဘယ်ရာစုနှစ်မှာ စတင်ပေါ်ပေါက်ခဲ့တယ် ဆိုတာ အတိအကျ မသိရပေမဲ့ ကျွန်တော်သိထားတဲ့ ပါးစပ်ရာဇ၀င်လေးကတော့ ဒီလိုပါ။
ဟိုးအရင်တချိန်တုန်းက…….
ယခု မော်လမြိုင်မြို့နေရာမှာ ဘုရင်တစ်ပါးအုပ်စိုးခဲ့ပါတယ်။ အဲဒီဘုရင်ဟာ သူတပါးနဲ့မတူဘဲ သူ့မှာ ပုံမှန် မျက်လုံးနှစ်လုံးအပြင် နှဖူးအလယ်တည့်တည့်မှာ မျက်လုံးအပိုတစ်လုံး ရှိပါတယ်။ အဲဒီနှဖူးအလယ်က မျက်လုံးတန်ခိုးနဲ့ ဘုရင်ကြီးဟာ သူ့တိုင်းပြည်နယ်နိမိတ်အတွင်းမှာ ဘာတွေဖြစ်နေသလဲဆိုတာကို အကုန်သိနေတယ်ပေါ့လေ။
တနေ့သောအခါမှာ ယိုးဒယားရှမ်းတွေဟာ သူတို့နဲ့ စစ်မက်ပြုဖို့ရောက်လာကြပါတယ်။ မွန်လူမျိုးတွေဟာ ထိုင်းလူမျိုးတွေကို ရှမ်း လို့ခေါ်ကြပါတယ်။ ရှမ်းဘုရင်တပ်တွေရဲ့ လှုပ်ရှားမှု မှန်သမျှကို မွန်ဘုရင်က သူ့ရဲ့ မျက်လုံးတန်းခိုးဖြင့် အကုန်လုံးမြင်နေရလေတော့ ရှမ်းတွေရဲ့ အစီအစဉ် အားလုံးကို ဖျက်ဆီးပစ်လိုက်တာပေါ့။ အဲဒါကြောင့် ရှမ်းတွေဟာ သူတို့တပ်တွင်းမှာ သစ္စာဖောက် ရှိတယ်လို့ယူဆလာကြတယ်။ အဲဒါနဲ့ ရှမ်းဘုရင်ဟာ သူ့ရဲ့မှူးမတ်တွေကို မေးမြန်တဲ့အခါမှာ အကြောင်းစုံကို သိရှိလာပါတော့တယ်။ ဒီလိုနဲ့ ရှမ်းတွေဟာ ပြဿနာကို ဖြေရှင်းရန်အတွက် ညီလာခံကျင်းပခဲ့ကြတယ်။ အဲဒီညီလာခံကနေပြီးတော့ သူတို့ဟာ မွန်ဘုရင်ရဲ့ တတိယမျက်လုံးကို ဖျက်စီးပစ်ဖို့အတွက် သူတို့ရဲ့သမီးတော်ကို လက်ဆောင်ပဏ္ဍာဆက်သရန် သဘောတူညီလိုက်ကြပါတယ်။ ဒီလိုနဲ့ ရှမ်းတွေဟာ သံအဖွဲ့စေလွှတ်ပြီး ဘုရင်မင်းကြီးရဲ့ ဘုန်းတန်ခိုးတော်ကြောင့် သမီးတော်ကို လာရောက်ဆက်သပါကြောင်း မြှောက်တော့တာပေါ့။ ဒါမျိုးကျတော့ ဘုရင်တွေလည်း ကျွန်တော်တို့လိုပဲဗျ။ ယောက်ျားကောင်း မောင်းမတစ်ထောင်ပေါ့ဗျာ ။ လာထား…. အဟီး။ ဟင့်အင်း ဆိုတဲ့စကားလုံးကို ယောင်လို့တောင်ပြောမထွက်ဘူး။ အဲဒီ မင်းသမီးရဲ့ လက်ချက်ကြောင့်ပဲ ဘုရင်ကြီးရဲ့တတိယမျက်လုံးဟာ ဖျက်ဆီးခြင်းခံလိုက်ရတယ်။ တိုင်းပြည်တ၀ှမ်းက ဘာတွေဖြစ်နေသလဲဆိုတာကို မြင်ရတဲ့ ဘုရင်ကြီးရဲ့ မျက်လုံးဟာလည်း မင်းသမီး ဘာလုပ်မယ်ဆိုတာကိုကျတော့ မမြင်တော့ဘူးဗျ။ အေးပေါ့လေ ဘုရင်ကြီးကလည်း ကျွန်တော်တို့်လိုပဲ ဘာကိုလျှောက်ကြည့်နေမှန်းမှမသိတာ အဟီး။ အဲဒီ မျက်လုံးတစ်လုံး ပျက်သွားတာကို အစွဲပြုပြီးတော့ ရှေးမွန်တွေက အဲဒီဘုရင်ကြီးအုပ်ချုပ်တဲ့မြို့ကို မွန်ဘာသာဖြင့် မတ်မွဲလီု လို့ခေါ်ဆိုကြလာတာ ယခုတိုင်ပါပဲ။ မတ်- ဆိုတာက မျက်လုံးပါ၊ မွဲ-ဆိုတာက တစ်၊ လီု-ဆိုတာကတော့ ပျက်းစီးခြင်းလို့ အဓိပ္ပာယ်ရပါတယ်။ မတ်မွဲလီု ရဲ့မွန်လိုအသံထွက်ကတော့ မွတ်မော်လုံမ် ဖြစ်ပါတယ်။ နောက်ပိုင်းမှာ အခြားသော တိုင်းရင်းသားတွေက တုပခေါ်ဝေါ်ပြောဆိုလာတဲ့အခါ မတ်မွဲလီု ကနေ မော်လမြိုင် ဖြစ်လာတာပါ။ မယုံတဲ့လူ လက်တွေ့စမ်းလိုသပဆိုရင် မွတ်မော်လုံမ် ဆိုပြီးတော့ အခေါက်တစ်ရာလောက် ရွတ်ကြည့်ရင် မော်လမြိုင်ဆိုတဲ့ အသံကို ရလာမှာပါ။
မှတ်ချက်။ အေဒီ ၁၂၈၁-၁၇၅၇ မှာ ဒုတိယ ဟံသာဝတီနိုင်ငံရဲ့ မြို့ ၉၉ မြို့မှာ မော်လမြိုင်မြို့လည်းပါဝင်ပါတယ်။ အဲဒါကြောင့် မော်လမြိုင်ဟာ အေဒီ ၁၂၈၁ ထက်စောပြီး ပေါ်ပေါက်ခဲ့တယ်လို့ ယူဆလို့ရပါတယ်။ (မွန်တို့ဌာနေရာမညနှင့်သူ၏မြို့ပြများဆောင်းပါးကို ကိုးကားထားပါတယ်)
မော်လမြိုင်မြို့အကြောင်းကို ဝေေ၀ဆာဆာဖတ်ရှုချင်ပါက ဟောဒီမှာ နှိပ်လိုက်ရုံဘဲဗျာ
လေးစားစွာဖြင့်
မော်လမြိုင်ရဲ့ဒိုင်ယာလော့မှကူးယူတင်ပြထားပါသည်။
မိုက်ခဲလေး
No comments:
Post a Comment